Кітапта Керей мемлекетінің хандарының өмірбаяны және одан тараған әулет — «Тұрғақ» руы хақындағы деректер баяндалады. Әсіресе, Тайбұға, Сейдақ хандар өміріне мән беріліп, олардың Ақмола облысында тұрып жатқан үрім-бұтағының шежіресі кеңінен таратылады.
«Тұрғақ шежіресі» — Орта жүз Керей руынан тарайтын бір әулеттің шежіресі ғана емес, қазақ хандары мен Сібір хандығын қамтыған тарихи оқиғаларды да назарға алған еңбек болып есептеледі. Осы шежіреге қарап отырып, Сібір хандығының иесі қазақтар болғанына, оның ұрпағынан тараған хан әулетінің әлі күнге арамызда отырғаны да, қилы тарихтың алтын үзігі сияқты.
